Dagen for bryllupsfesten nærmar seg! Vi gler oss til å sjå dykk alle saman.

Her følgjer litt praktisk informasjon om dagen:

Vi vil starte denne dagen med ein vigslingseremoni som vi har satt saman sjølve. Der vil vi stadfeste giftemålet og kjærleiken vår til kvarandre, og ikkje minst inkludere alle dykk. Dette handlar jo om oss to og det vi har saman, men for oss handlar det og mykje om det vi har saman med dykk.

Vigslingseremonien kjem til å finne stad i Andorsenhagen. Herfra skal vi gå i følgje via stranda Sjøsanden og gjennom skogen Furulunden, til festlokalet. Det er lurt å ha dette i mente når ein vel sko å ha på seg (evt. ha med seg eit ekstra par).

Om ein ynskjer å parkere bil ved festlokalet er det altså lurt å gjere det før seremonien. Der er gratis parkering ved skulen, og ein kan og lade el-bilen sin her.

Vi har lokalet til kl 03:00. Da må festen avsluttast og alle må forlate lokalet. For dei som ynskjer det vil det vere mogleg å avslutte festen med nattbad på ei av strendene i Mandal. Om ein ynskjer kan ein legge i frå seg badetøy på skulen, dagen før.

Ikkje nøl med å ta kontakt med oss eller nokon i nær familie, om det er noko de lurar på. Hugs og å melde ifrå til kjøkemeistrane om du vil halde tale eller liknande.

Programmet for dagen er ellers å finne under: